ИНЕГ-ЫН ДАРГЫН БАЯР НААДМЫН МЭНДЧИЛГЭЭ
2024/07/10

Та бүхэн дэлгэр зуны наадамдаа дэнж хотойтол сайхан наадаарай.

БАЯР НААДМЫН БОСГОН ДЭЭР ШАГНАЛ ГАРДУУЛЛАА
2024/07/09

  Тулгар төрийн 2233 жил, Их Монгол Улс байгуулагдсаны 818 жил, Үндэсний эрх чөлөө, тусгаар тогтнолоо сэргээн мандуулсны 113 жил, Ардын хувьсгалын 103 жилийн ой, Үндэсний их баяр наадмыг тохиолдуулан Монгол Улсын Иргэний нисэхийн салбарт өөрийн хувь нэмрээ оруулж, ажил үйлсээрээ хамт олноо манлайлсан зарим албан хаагчдыг “Иргэний агаарын тээврийн тэргүүний ажилтан” цол тэмдэг болон Зам, тээврийн хөгжлийн яамны “Жуух бичиг”-ээр шагнасныг ИНЕГ-ын дарга Ч.Мөнхтуяа болон ИНЕГ, ИНҮТ-ийн удирдлагууд гардуулан өглөө.  Зам, тээврийн хөгжлийн сайдын тушаалаар “Иргэний агаарын тээврийн тэргүүний ажилтан” цол тэмдгээр ИНЕГ-ын Санхүү, хөрөнгө оруулалтын хэлтсийн эдийн засагч Ц.Мөнхсаран, Иргэний нисэхийн үндэсний төвийн Нислэгийн урсгал төлөвлөлтийн албаны дарга Т.Батбаяр, Иргэний нисэхийн үндэсний төвийн Нисэхийн аюулгүй байдал, хамгаалалтын албаны Хамгаалалтын хэсгийн хамгаалалтын ажилтан Б.Галбадрах, ИНҮТ-ийн Аюулгүй байдал, чанарын удирдлагын газрын ахлах технологич мэргэжилтэн Ч.Чулуунхүү, ИНҮТ-ийн Үйлдвэрлэл үйлчилгээний газрын Агаарын навигацийн техникийн үйлчилгээ хариуцсан ахлах технологич мэргэжилтэн Б.Наранмандах, "Буянт-Ухаа" олон улсын нисэх буудлын Санхүү, төлөвлөлтийн хэлтсийн нярав С.Эрдэнэчимэг, ИНҮТ-ийн Санхүү, эдийн засаг, төлөвлөлтийн газрын ахлах эдийн засагч Д.Цэцэгмаа нарыг шагналаа.  ЗТХЯ-ны “Жуух бичиг”-ээр ИНҮТ-ийн Санхүү, эдийн засаг төлөвлөлтийн газрын Нягтлан бодох бүртгэлийн хэлтсийн ахлах нягтлан бодогч Б.Отгонтуул, Нисэхийн спорт цогцолборын Спорт сургалтын тасгийн ахлах мэргэжилтэн, биеийн тамирын арга зүйч Э.Тэмүүлэн, Нисэхийн холбоо, навигаци, ажиглалтын албаны Шуурхай ажиллагааны хэсгийн ээлжийн ахлагч инженер Р.Цагаанхүү, Нисэхийн аюулгүй байдал, хамгаалалтын албаны аюулгүй байдлын үзлэгийн шалгагч Н.Одхүү нарыг шагнаж урамшууллаа.

”ЧИНГИС ХААН” ОЛОН УЛСЫН НИСЭХ БУУДАЛ РУУ НИЙТИЙН ТЭЭВРИЙН АВТОБУС МАРГААШААС ЯВЖ ЭХЭЛНЭ
2024/07/04

“Чингис хаан” олон улсын нисэх буудлаар үйлчлүүлж буй иргэдэд нийтийн тээврийн үйлчилгээг хүргэх зорилгоор маргааш буюу 2024 оны 07 дугаар сарын 05-ны өдрөөс нийтийн тээврийн Х:19 “Чингис хаан нисэх буудал-Сүхбаатарын талбай”Х:20 “Чингис хаан нисэх буудал-Буянт-Ухаа спорт цогцолбор” чиглэлүүдэд 06:20 цагаас 22:30 цагийн хооронд автобус явж эхэлнэ. Х:19 “Чингис хаан нисэх буудал-Сүхбаатарын талбай” чиглэлд том хүн 15000 төгрөгөөр, хүүхэд 7000 төгрөгөөр, Х:20 “Чингис хаан нисэх буудал-Буянт-Ухаа спорт цогцолбор” чиглэлд том хүн 10000 төгрөгөөр, хүүхэд 5000 төгрөгөөр мөн картаар үйлчлүүлэх боломжтой.НИЙТИЙН ТЭЭВРИЙН БОДЛОГЫН ГАЗАР

ГАЗРЫН ТУСГАЙ ҮЙЛЧИЛГЭЭ, ШАТАХУУН ХАНГАЛТЫН АЛБА 2024 ОНЫ ЭХНИЙ ХАГАС ЖИЛД 43 АГААРЫН ХӨЛӨГТ ГАЗРЫН ҮЙЛЧИЛГЭЭ ҮЗҮҮЛЭН АЖИЛЛАЖЭЭ
2024/07/04

ИНҮТ-ийн харьяа Газрын тусгай үйлчилгээ, шатахуун хангалтын алба нь Агаарын хөлгийн болон аэродромын үйлчилгээний тусгай зориулалтын автомашин, тоног төхөөрөмж, механизмын хангалт, нийтийн болон технологийн тээвэр, техник үйлчилгээ, засвар, шатахуун хангалтын үйл ажиллагааг эрхлэн гүйцэтгэх үндсэн чиг үүргийн хүрээнд үйл ажиллагаагаа явуулж байна.Тус албаны хамт олон олон улсын стандарт шаардлагад нийцсэн нислэгийн аюулгүй байдал, аюулгүй ажиллагааны шаардлагыг бүрэн хангасан газрын үйлчилгээг тусгай зориулалтын автомашин, механизм, тоног төхөөрөмжөөр гадаад, дотоодын агаарын хөлөгт үзүүлэх, аэродромын талбайн цэвэрлэгээний хэвийн тасралтгүй үйл ажиллагааг хангаж, иргэний нисэхийн системийн бүх төрлийн авто тээврийн үйлчилгээ болон төв, орон нутгийн нисэх буудлуудын шатахуун хангалт, засвар үйлчилгээг үзүүлдэг тусгай чиг үүргийн нэгж юм.Газрын тусгай үйлчилгээ, шатахуун хангалтын алба нийт 173 орон тоотой бөгөөд үүнээс 54 ажилтан ердийн цагийн хуваариар буюу өдрийн 8 цагаар, 119 ажилтан ээлжийн зохион байгуулалтаар ажилладаг. Өнөөдрийн байдлаар албаны харьяанд 121 автомашин, механизм, тоног төхөөрөмж, 25 чиргүүл, нийт 146 техник хэрэгсэлтэй ажиллаж байна.2024 оны эхний хагас жилийн байдлаар тус алба “Буянт-Ухаа” Олон улсын нисэх буудалд нийт 43 агаарын хөлөгт 11 нэгж газрын техник, тоног төхөөрөмжөөр давхардсан тоогоор 139 удаа үйлчилгээ үзүүлжээ.Нийт 14 аж ахуйн нэгжтэй агаарын хөлгийн шатахуун тээвэрлэх гэрээ байгуулан, шатахуун тээвэрлэлтийг зохион байгуулан ажиллаж байна. 2024 оны эхний хагас жилд нийт 675.8 тонн агаарын хөлгийн шатахууныг орон нутгийн нисэх буудлууд болон захиалгат газруудад тээвэрлэн хүргэсэн байна. Мөн “Чингис хаан” ОУНБ дахь Шатахуун хангалтын албанд 5.360.000 литр ТС-1 төрлийн шатахууныг тээвэрлэн хүргэжээ.Мөн Газрын тусгай үйлчилгээ, шатахуун хангалтын алба нь 1994-2024 он хүртэл Нийтийн тээврийн үйлчилгээнд нийт 18 мянга 828 машин/өдөр ажиллаж, 250 мянга 998 цагийн ажил үйлчилгээ үзүүлсэн байдаг. Өнөөдрийн байдлаар том оврын 8 автобусаар ИНЕГ, ИНҮТ болон МИАТ ТӨХК, NUBIA компанийн нийт 630 гаруй ажилтныг өглөө, оройдоо 7 чиглэлээр тээвэрлэн ажиллаж байна.

"ЧИНГИС ХААН" ОЛОН УЛСЫН НИСЭХ БУУДЛЫГ ӨРГӨТГӨХ, ХҮЧИН ЧАДЛЫГ НЭМЭГДҮҮЛЭХ СУДАЛГААНЫ АЖЛЫГ ЯПОН УЛСЫН “НИППОН КОЕЙ” КОМПАНИ ГҮЙЦЭТГЭЖ БАЙНА
2024/07/03

Зам, тээврийн хөгжлийн яам нь агаарын тээврийн либералчлалыг хэрэгжүүлж, ХЯМД ТИЙЗ-ХҮРТЭЭМЖТЭЙ НИСЛЭГ зорилт дэвшүүлэн ажиллаж байна.Энэ хүрээнд Зам, тээврийн хөгжлийн сайд С.Бямбацогт Нью Улаанбаатар Интернэйшнл Эйрпорт ХХК-ийн гүйцэтгэх захирал Китанака Такефумитай 2024 оны нэгдүгээр сард нисэх буудлын хүчин чадлыг нэмэгдүүлэх асуудлаар ажил хэрэгч уулзалт хийсэн. Талуудын уулзалтын үр дүнд “Чингис хаан” олон улсын нисэх буудалд зорчигч, ачаа урсгалыг түргэн шуурхай нэвтрүүлэх, хүлээлт, саатлыг арилгах ажлууд үе шаттайгаар хийгдэж эхэлж байна.Японы Олон Улсын хамтын ажиллагааны байгууллага (ЖАЙКА)-тай 2024 оны тавдугаар сарын 16-ны өдөр хийсэн уулзалтаар “Чингис хаан” олон улсын нисэх буудлыг өргөтгөх, хүчин чадлыг нэмэгдүүлэх судалгааны ажлыг эхлүүлэхээр шийдвэрлэсэн.ЖАЙКА-аас Япон улсын зөвлөх үйлчилгээний “Ниппон Коей” компанитай гэрээ байгуулан 2024 оны зургадугаар сарын 12-ны өдрөөс 2025 оны нэгдүгээр сарын 31-ний өдрийн хооронд хийж гүйцэтгэхээр төлөвлөн ажилдаа ороод байна.Энэ хүрээнд өнөөдөр /2024.07.02/ Зам, тээврийн хөгжлийн яамны Төрийн нарийн бичгийн дарга С.Батболд, Иргэний нисэхийн ерөнхий газрын дарга Ч.Мөнхтуяа нар ЖАЙКА, “Ниппон Коей” компанийн төлөөллүүд судалгааны ажлын эхлэл тайланг танилцуулж, харилцан санал солилцлоо.Зам, тээврийн хөгжлийн яам

ИНД-143 “Нислэгт тэнцэх чадвар хадгалалтын менежментийн байгууллагын гэрчилгээжүүлэлт”
2024/07/02

ИНД-143 “Нислэгт тэнцэх чадвар хадгалалтын менежментийн байгууллагын гэрчилгээжүүлэлт” дүрмийн эхний хувилбарыг боловсруулсан бөгөөд уг төсөлд агаарын тээвэрлэгчид, сонирхогч хувь хүн, хуулийн этгээд 2024 оны 08 дугаар сарын 01-ний өдрийн дотор саналаа ирүүлнэ үү.Дүрмийн төсөлтэй /энд дарж/ танилцана уу. 

2024-2026 ОНД ХЭРЭГЖҮҮЛЭХ ХАМТЫН ГЭРЭЭ БАЙГУУЛЛАА
2024/07/02

Хөдөлмөрийн тухай хууль, Монгол Улсын Засгийн Газрын тогтоол, Нийгмийн түншлэлийн хүрээнд Иргэний нисэхийн ерөнхий газар, Иргэний нисэхийн үндэсний төв түүний харьяа байгууллагуудад 2024-2026 онд хэрэгжүүлэх хамтын гэрээг 2024 оны зургаадугаар сарын 27-ны өдөр байгууллаа.Энэхүү хамтын гэрээгээр ҮЭ-ийн гишүүд, ажилтнуудын цалин хөлс түүнтэй адилтгах орлого, нэмэгдэл, нэмэгдэл хөлс, шагнал урамшуулал, нийгмийн хамгаалал, мэдлэг мэргэшил дээшлүүлэх, хөдөлмөрийн эрүүл мэнд, аюулгүй байдлын асуудлуудыг тусган хэрэгжүүлэхээр баталгаажууллаа.Хамтын гэрээнд:-Хамтын гэрээний үйлчлэх хүрээг тодотгосон-Орон нутгийн нэмэгдэл-Ажилтны үр дүнгийн нэмэгдэл-Нийгмийн хамгаалал болон Эх, хүүхэд хамгааллын бодлого-Хоолны мөнгөний нэмэгдэл-Хөдөлмөрийн эрүүл мэнд, аюулгүй байдлын бодлого-Ээлжийн ажилтнуудын шөнийн нэг цагийн нэмэгдэл хөлсийг нэмэгдүүлэх зэрэг онцлог заалтуудыг тусгасан байна.

БАРИЛГА БАЙГУУЛАМЖИЙН АШИГЛАЛТЫН АЛБАНЫ АЖИЛТНУУД ОН ГАРСААР БАЙГУУЛЛАГЫН НИЙТ 24 ОБЬЕКТОД ЗАСВАР ҮЙЛЧИЛГЭЭ ХИЙГЭЭД БАЙНА
2024/07/01

ИНҮТ-ийн БХТГ-ын Барилга байгууламжийн ашиглалтын алба нь ИНЕГ, ИНҮТ болон түүний харьяа алба салбаруудын гадна талбайн тохижилт, цэвэрлэгээ үйлчилгээ, харуул хамгаалалт, барилга байгууламжийн засвар үйлчилгээ, ус, дулаан сантехник, агааржуулалтын шугам сүлжээний өдөр тутмын хэвийн үйл ажиллагааг хариуцан ажиллаж байна.Барилга байгууламжийн ашиглалтын албаны ажилтнууд байгууллагын барилга байгууламжуудын засвар үйлчилгээг тогтмол хийснээр ажилтнуудын тав тухтай орчинд ажиллах нөхцлийг бүрдүүлэхээс гадна үер усны зэрэг эрсдэлд өртөхөөс урьдчилан сэргийлж байна.Тус алба 2024 он гарсаар эхний хагас жилийн байдлаар ИНЕГ, ИНҮТ-ийн харьяа алба салбар нэгжийн нийт 24 обьектод засвар үйлчилгээ хийжээ. Мөн төсвийн болон урсгал зардлаар гадны байгууллагаар хийлгэж буй ажлуудад ажлын тоо хэмжээ, төсвийг боловсруулан, захиалагчийн хяналт тавин ажилладаг юм.

“ICAO RISK MANAGEMENT WORKSHOP” СУРГАЛТ АМЖИЛТТАЙ ЯВАГДАЖ, 18 АЖИЛТАНД ICAO-ИЙН ГЭРЧИЛГЭЭ ОЛГОЛОО
2024/06/27

Иргэний нисэхийн ерөнхий газар нь Олон улсын иргэний нисэхийн байгууллага (ICAO)-ын Ази, Номхон далайн бүсийн Иргэний нисэхийн аюулгүй байдлын хамтын ажиллагааны хөтөлбөрийн “ICAO Risk Management Workshop” сургалтыг 2024 оны 06 дугаар сарын 24-27-ны өдрүүдэд олон улсын сургалтын стандартын дагуу танхимын хэлбэрээр амжилттай зохион байгууллаа. Сургалтад хамрагдсан Бүгд Найрамдах Сингапур улс, Бүгд Найрамдах Энэтхэг улс болон Монгол улсын иргэний нисэхийн салбар, Монгол Улсын хууль, хүчний байгууллагуудын төлөөлөл болох нийт 18 ажилтанд өнөөдөр ICAO-ийн гэрчилгээ олголоо. Энэ удаагийн сургалт нь ICAO-ийн чадамжид суурилсан сургалтын арга барилаар боловсруулж, баталгаажсан сургалтын хөтөлбөрөөр нисэхийн аюулгүй байдлын эрсдэлийн удирдлагын үнэлгээ гаргах, аргачлалыг хэрхэн боловсруулах, эрсдэлийн удирдлагын соёл болон боломж зэрэг сэдвүүдийн хүрээнд онол дадлагын өргөн мэдлэг, ур чадварыг олгосон чухал ач холбогдолтой сургалт болов.