Монгол Улсаас АНУ-ын хооронд шууд нислэг үйлдэх бэлтгэл ажлын хүрээнд “МИАТ” ТӨХК-ийн Агаарын хөлгийн засвар үйлчилгээний газар АНУ-ын Иргэний нисэхийн ерөнхий газар “FAA” FAR-145 дүрмийн дагуу аудит шалгалтад амжилттай шалгуулж, тэнцлээ. АНУ-ын нислэгийн аюулгүй ажиллагаа, техникийн үйл ажиллагааны чанар, стандартыг бүрэн хангасан агаарын тээвэрлэгч болсноор “МИАТ” ТӨХК-ийн үйл ажиллагааны цар хүрээ тэлж, АНУ-ын зах зээлд гарах, тус улсад бүртгэлтэй агаарын хөлгүүдэд засвар үйлчилгээ үзүүлэх бүрэн боломжтой болж буй юм.  

Нисэхийн эрүүл мэнд, сэргээн засах албаны Хоол үйлдвэрлэлийн мэргэжилтэн Балбарын Пүрэвтогтохыг Монгол Улсын Ерөнхийлөгчийн зарлигаар төрийн дээд Алтангадас одонгоор шагнасныг өнөөдөр Иргэний нисэхийн үндэсний төвийн дарга, удирдлагууд гардуулан өглөө. Б.Пүрэвтогтох нь улсад 30 жил, иргэний нисэхийн салбарт 24 дэх жилдээ ажиллаж байгаа юм. Эрхэлсэн ажилдаа хариуцлагатай байж, хамт олноо манлайлан, төрийн дээд одонгоор шагнагдсанд ИНҮТ-ийн дарга Э.Төрбаяр баяр хүргэж, цаашдын ажил үйлсэд нь өндөр амжилт хүслээ.